EDUCACIÓN EN VALORES. O VENDEDOR DE FUME, FOR THE BIRDS E O REGALO

Ola rapaces! Aquí vos deixo os vídeos que estivemos a ver na clase. Así podedes velos as veces que queirades :)

“O vendedor de fume”

É unha curtametraxe de animación que nos conta a historia dun vendedor ambulante que chega ata unha pequena aldea para venderlles unha nova experiencia nas súas vida. Ao principio os aldeáns non están emocionados coa nova visita, pero pouco a pouco, e grazas ás artimañas que pon en marcha o vendedor, conseguirá atraer toda a súa atención. 

Unha curtametraxes para pensar e descubir como “non é ouro todo o que reloce” 

"For the birds"

A convivencia, é o que dicimos ao referirnos a vivir con outras persoas, sempre dende un marco de tolerancia e respecto polos demais. Supón a nosa capacidade de vivir cos demais, de socializar. 

Non somos seres illados, vivimos en sociedade, o interactuar con outras persoas axúdanos non soamente a nosa saúde mental senón tamén física. Pero isto non sempre é fácil, as diferencias nas costumes ou crenzas poden afectar as nosas relacións. É por iso que o respecto e a solidariedade son fundamentais á hora de facilitar as nosas relacións persoais. 

Nesta curtametraxe aparecen diversos paxaros nunha corda que se mostran inquedos ante a chegada de outro de aspecto diferente. Hai que tratalo distinto polo feito de non ser igual?

"The present/el regalo"

É unha curtametraxe alemana que gañou máis de 50 premios en distintos festivais de cine do mundo. A súa conmovedora historia fainos reflexionar sobre a importancia das cousas sinxelas, e da aceptación e o amor propio. Os seus creadores, o instituto de animación da Academia de Cine de Baden- Württemberg, decidiron que despois de tantas xiras e premios, era momento de compartir esta pequena e preciosa historia con todos. 

Espero que vos gustasen!!!